C'l artìcul chè 'l è scrit in
Miranduléś |
![]() | ||
![]() La Piper Laurie in na figùra dal film | ||
La Facultà 1998 | ||
---|---|---|
Regìa: Robert Rodriguez | ||
Scritōr: David Wechter Bruce Kimmel • Kevin Williamson | ||
Atōr: Elijah Wood • Clea DuVall • Laura Harris Jordana Brewster • Josh Hartnett • Salma Hayek Shawn Hatosy • Famke Janssen • Piper Laurie Christopher McDonald • Jon Stewart • Elijah Wood Bebe Neuwirth • Robert Patrick • Usher Raymond | ||
Müsica: Marco Beltrami | ||
Léngua: Ingléś | ||
Dürä dal film: 104 minüt | ||
Nasiōṅ: Stat Unî |
The Faculty (La Facultà) 'l è 'n film ad scarésa dal 1998 ad Robert Rodriguez. 'L è stâ girâ in Tèxas c'n un budget ad quìndas migliòṅ ad dòlar e al 'n à fat sù da piò ad quarànta.
In dla culòna sunóra dal film i s càtan di pès di Offspring (The Kids Aren't Alright), di Creed (I'm Eighteen), di Class of '99 (Another Brick In The Wall e Another Brick In The Wall - Part 2), dla Sheryl Crow (Resuscitation), di Garbage (Medication), di Soul Asylum (School's Out), di Oasis (Stay Young) e àt'r incóra.
In n'università d'l Ohio, la Herrington High, soquànt insgnànt e lavuradōr dla scóla i ciàpan di parasìta aglièṅ ch'i s insfìlsan par gl'uréci par stablìr-'s in dal sarvèl, e pò i i tàc'n anc a i studènt. Un grup ad qvist chè al s rénd cònt dal prubléma e al próa a 'rvultàr-as. A gh'ém al gèni Zeke Tyler (Josh Hartnett) ch'al vénd dla dròga, al śugadōr pintî ad futból americàṅ Stan Rosado (Shawn Hatosy) e la sò muróśa Delilah Profit (Jordana Brewster), Casey Connor (Elijah Wood) ch'al li ciàpa da tut e ch'a gh piàś la Delilah, la Stokely Mitchell dita Stokes (Clea DuVall) ch'la fà finta 'd èsar lèśbica par paràr via la gint e la rivàda da pôc Marybeth Louise Hutchinson (Laura Harris).
Casey al capìs tut quànd al véd ch'l insgnànt ad siénsi, al sgnōr Furlong (Jon Stewart), al próa a tacàr-'g i parasìta in dla sò cambra ma quànd Zeke al gh tira dla sò dròga adòs, ciapànd-ag 'l òć, al gh la cava a far sparìr-al da 'l sarvèl, dònca la dròga l'è la ciàṿ giùsta par cumbat'r-i.